Fleiri myndir hér: http://ixilandia.wordpress.com/myndir/rokkurdis-x-bosse/

Vildi bara benda ykkur á að nýjar myndir af hundunum birtast reglulega undir flipanum Myndir.

Þessi kom ný inn á síðuna í dag. En litlu pæjurnar eru farnar að opna augun og því styttist sennilega í að lætin fari að aukast í hvolpakassanum.

Laugardaginn 6. apríl gaut Rökkurdís þremur hvolpum. Tveimur tíkum og einum rakka. Því miður þá lifði rakkinn ekki. En tíkunum heilsast vel, þær stækka hratt og eru kröftugar. Svo skemmtilega vill til að þær eru báðar Blue and tan á litinn, sem er mjög ólgengt hér á landi og eru fyrstu tíkurnar fæddar hér á landi af þessu litar afbrigði.

Rökkurdís sinnir þeim af stakri prýði og er mikil mamma, það er rétt núna rúmri viku eftir að þær fæddust sem hún gefur sér tíma til að stíga upp úr hvolpakassanum og litast um á heimilinu. En fyrstu dagana var varla hægt að ná henni uppúr kassanum til að fara út að pissa.

Þeir sem hafa áhuga á hvolpi úr þessu goti geta sett sig í samband við mig á netfangið joninasif(hja)gmail.com

Betra seint en aldrei sagði einhver og því er ekki úr vegi að senda loksins inn upplýsingar frá síðustu sýningu sem fór fram helgina 23 og 24 febrúar. En Bosse átti ákaflega góðan dag og varð besti hundur tegundar með alþjóðlegt meistarastig. Hann varð svo 3 í tegundarhóp 3. Dómurinn sem hann fékk var vægast sagt mjög flottur. Það var þó ekki auðsótt, því dómarinn Hanne Laine Jensen frá Danmörku var mjög ströng og gjafmild á bláuborðana og fengu flestir hundarnir að finna fyrir því þar á meðal Rán, sem fékk very good, en ákaflega fína umsögn. 

Wilma hins vegar mætti á svæði nokkrum (eða mörgum) kílóum of þung, en engu síður falleg og sjarmerandi. Dómarnum leist vel á hana en hafði orð á auka kílóunum og kallaði hana ,,lilla matsvin” og kleyp í fellingarnar en gaf henni engu að síður excellent og heiðursverðlaun. Hún fór því ningar og keppti um besta öldung sýningar en náði ekki sæti í þeirri keppni. En kannski næst, ef einhver kíló verða farin…

Annars er það að frétta að allt bendir til þess að Rökkurdís eigi von á hvolpum í apríl byrjun. Hún er farin að þykkna örlítið og lætur lítið fyrir sér fara í leik og starfi en vill mikla ást og helst vera í fanginu á okkur allan daginn. En frekari fréttir af henni koma þegar nær dregur.

Þá er réttast að geta þess að hvolparnir undan Wilmu og Bosse urðu árs gamlir núna á laugardaginn og af því tilefni óska ég þeim og eigendum þeirra innilega til hamingju með afmælið.

Bestu kveðjur,

Jónína Sif

Framundan er spennandi ár. Helst ber að nefna að tvö got eru væntanleg á árinu. Annarsvegar undan Rökkurdís og Bosse sem ætti að líta dagsins ljós í vor, ef allt gegnur eftir og svo gerum við ráð fyrir að para Rán í haust.

Næst á dagskránni er þó febrúarsýning HRFÍ, hún nálgast óðum og því er um að gera að fara að snyrta hundana og gera þá tilbúna fyrir sýninguna.

Þeir sem vilja fá frekari upplýsingar um væntanleg got geta haft samband við Jónínu Sif: joninasif(hjá)gmail.com.

Nýárs kveðja,

Jónína Sif og hundarnir

Það er gaman að segja frá því að fyrsta Lagotto gotið fæddist þann 28. sept 2012. Í gotinu komu 11 hvolpar, einn kvaddi heiminn tveimur dögum seinna en hinir eru allir ákaflega sprækir. í gotinu eru 5 rakkar og 5 tíkur. Þeir sem hafa áhuga á að kynna sér þetta got nánar geta haft samband við Hönnu sleggjubeina@gmail.com eða á www.sleggjubeina.weebly.com

Á sama tíma er leiðinlegt að segja frá því að ekkert kom útúr gotinu hjá Rökkurdís og Bosse. Pörunin verður endurtekin við fyrsta tækifæri.

Nú um helgina (25. – 26. ágúst) fór fram hundsýning á vegum HRFÍ. 10 Border terrier hundar voru skráðir til leiks að þessu sinni. 5 hvolpar undan Bosse voru sýndir, þeir fengu allir heiðursverðlaun. Ixilandia Jón Oddur fékk frábæran dóm og endaði í 3ja sæti. Bjarkar Rán fékk einnig frábæran dóm og lenti í örðu sæti.

Bosse vann rakkana og fékk sitt þriðja Íslenska meistarastig – hann er því orðinn Íslenskur meistari. Hann fékk einnig sitt annað alþjóðlega meistrastig og vantar því tvö upp á að verða alþjóðlegur meistari. Hann endaði svo daginn á því að verða annar besti hundur tegundar.

Dómarinn var Harry Tast frá Finnlandi og leist honum mjög vel á hópinn.

Næsta sýning er 17.- 18. nóvember 2012, skráningarfrestur rennur út föstudaginn 19. október.  Þeir sem ætla að sýna í nóvember ættu að reyta hundana í kringum 20. september.   

Þá er komið að því að hvolparnir fara að heiman. Jón Bjarni fór í gær á Borgarfjörð eystri og í dag mun Jón Oddur fara í reykjanesbæ. Á báðum heimilum eru dýr fyrir, reyndar bara um stundarsakir á Borgarfirði, þar sem tveir langhundar eru í pössun, en í reykjanesbæ eru einnig kisur á heimilinu.

Ég vona bara að nýjum eigendum eigi eftir að ganga rosalega vel og að hvolparnir verið þeim til sóma.

Á miðvikudaginn fór ég svo og sótti Bjarkar Rán, sem er undan Bosse. Hún er í minni eigu en verður á fóðurheimili. Ferðin með hana í bæinn gekk rosalega vel og hún hefur staðið sig með prýði á nýja heimilinu.